Llongyfarchion!

[Seisyll ap Dyfnwal]

Llongyfarchion i bawb sydd wedi cyfrannu at lwyddiant y clwb eleni. Doeddwn i ddim yn gallu bod yng Nghaerdydd i weld y gêm yn erbyn y Crwydriaid neithiwr, ond roedd hi'n braf clywed Huw Llewellyn Davies yn canmol Cymreictod gwefan y clwb ar y teledu - yn enwedig cywirdeb y Gymraeg sydd ar y wefan. Trueni nad yw'r BBC (sy'n gyfrifol am ddarlledu rygbi ar S4C) ddim yn gallu sillafu GLYNEBWY yn gywir!

[RS]

Llongyfarchion i bawb sydd wedi cyfrannu at lwyddiant y clwb eleni. Doeddwn i ddim yn gallu bod yng Nghaerdydd i weld y gêm yn erbyn y Crwydriaid neithiwr, ond roedd hi'n braf clywed Huw Llewellyn Davies yn canmol Cymreictod gwefan y clwb ar y teledu - yn enwedig cywirdeb y Gymraeg sydd ar y wefan. Trueni nad yw'r BBC (sy'n gyfrifol am ddarlledu rygbi ar S4C) ddim yn gallu sillafu GLYNEBWY yn gywir!

Seisyll, yr hen goes, braf clywedd oddi wrthyt ti! Sut mae pethau yn y Gorllewin?

Dwi ddim wedi gwrando ar y sylwebaeth - allwn i ddim ymdopi â gweld y gêm eto - ond dwi'n falch iawn bod Huw Llanelli-Cardiff wedi sylwi ar faint, a safon, y Gymraeg ar ein gwefan ni (a diolch i ti am hynny!) O ddiddordeb, wyt ti'n gwybod pryd(ar gloc y gêm) oedd e'n canmol y wefan? Hoffwn i ddefnyddio ei eiriau fe ar y wefan.

Mae'n braf gweld y clwb yn cynrychioli ac adlewyrchu Cymreictod yr ardal - Llŷr ac Alan yn gwneud cyfweliadau â S4C yn ystod y gêm, ac Alan a fi'n recordio sylwadau cyn y gêm ar gyfer rhaglen arall.

Roedd y canlyniad yn siomedig, wrth gwrs, ond mae wedi bod yn dymor gwych.

[Seisyll ap Dyfnwal]

Dwi ddim wedi gwrando ar y sylwebaeth - allwn i ddim ymdopi â gweld y gêm eto - ond dwi'n falch iawn bod Huw Llanelli-Cardiff wedi sylwi ar faint, a safon, y Gymraeg ar ein gwefan ni (a diolch i ti am hynny!) O ddiddordeb, wyt ti'n gwybod pryd(ar gloc y gêm) oedd e'n canmol y wefan?

Yn anffodus, anghofies i recordio'r gêm. Roeddwn i'n sicr ein bod ni'n mynd i ennill, ac yn edrych ymlaen at y gêm nesaf yn erbyn Pen-y-bont ar Ogwr! A dweud y gwir, ces i f'atgoffa i o rownd derfynol Cwpan Cymru yn ôl yn '98 yn erbyn Llanelli lle na chwaraeodd y tîm i'w lawn botensial (yn fy marn i), a thipyn o lwc aeth â hi ar y diwedd! Ar ôl dweud hynny, rwy'n credu fod y bois wedi gwneud yn wych i hawlio lle yn y gêmau dros ben.

Rwy'n cael yr argraff nad yw Huw Eic yn rhy hoff o glybiau rygbi i'r gogledd o'r M4. Ond dim ond unwaith dw i wedi cwrdd ag e; roeddwn i'n nabod ei dad (Eic Davies - sy'n enwog am fod y person cyntaf i gyfieithu termau rygbi i'r Gymraeg) yn well. Roedd Eic yn benderfynol fod chwaraewr o glwb rygbi Glynebwy (nad ydw i'n mynd i'w enwi) wedi rhoi diwedd ar yrfa rygbi addawol Huw. Efallai bod hynny wedi lliwio ei farn e!